السلام عليكم
تبي تسمع غرابيلي وانا انشدها وبـ الحاني!!
تبي ترقص على طعنك وانا اصفّق واغنيلك!!
علي إنهج وناظرني.. مــ بين كثار.. وحداني
كأن مافي أحد حولي سوى أطلال تشكيلك
وش اذكرلك من همومٍ غدت سجني وسجّاني
وش اتركلك من جنانٍ أسرني وايش أحكيلك
يفر صوتك سما سمعي.. إذا نادتني أحزاني
واجي طاير على النيّة من اقصايه ألبّي لك
بلا موطن... احسّ اني... معك ضيّعت اوطاني
وشقى منفى.. توّلاني... بعد غيبة مراسيلك
دخيل الشوق والعشرة دخيل غيابك الجاني
دخيل اسراب حرماني وانا غرقان في ليلك
دخيلك كيف؟
بس قلّي!!
قدرت.. شلون.. تنساني?؟
وانا لامن حضر طيفك اضم الطيف.. وادعيلك!!
طلبت الله ينّسيني.... ملامحْ وجهك بـ ثاني
وكل وجهٍ.. لفى عقبك.. تفاصيله.. تفاصيلك!!
خريف القلب..يا بُعدك.. نزف أفراح أغصاني
وعصافير العنا طاحت.... على رجوى مناديلك
عجزت ايقن بعد فرقاك.. ان الكون ذا فاني
وزرع الصدق مايلزم احصْده من محاصيلك!
تحياتي لكم
اتمنى ان يحوز على اعجابكم