ياجماعه سؤال واحد بس .. وأعتبره أهم سؤال بموضوعي .. ستار اكاديمي .. شنو فايدته لنا ؟ شنو نستفيد منّا ؟ أنا إلي أشوفة .. الناس تدز مسجات وتخسر فلوس عشان تنجّح واحد .. زين هـ المشترك يدري عنّك ؟! يدري انك منجحه .. وشنو بتستفيد لو نجّحته ؟! ولا تقول يرفع راس ديرتي .. يرفع راس ديرتك لما يغني مع باقي العرب ؟! ويفوز عليهم ؟! بـ أغاني ورقص ومصخره !
شهالمصخره ؟! انا ماشوف نفسنا مستفيدين من هالبرنامج .. ولا أشوفه برنامج له معنى صراحه .. أساسا ً الفكرة مقتبسه من أمريكا .. وماشالله على أمريكا .. كل شي فيه " فساد " منها .. كل هـ الأفكار منها .. ليش نقلدهم ؟! ياجماعه ترى كل شي وصل حدّه .. ستار اكاديمي أمريكا .. شي مو طبيعي .. شفت له بعض اللقطات .. ماشالله .. فلم اباحي ياجماعه مو برنامج ؟
وشكله ستار أكاديمي " لبنان " بيصير نفسهم ؟ حمام سباحه ياجماعه ؟! حمام سباحه وبنات وشباب يتسبحون مع بعض ؟! ويلعبون مع بعض ؟! والطامه الكبرى .. فيه " كامرات " تحت الماي ؟! ليش هالكامرات ؟! أنا جبت لكم بعض الصور .. بس مو زين تشوفون هـ الحمام والي يصير عليه بالقناة .. الشباب يمسكون بنت ويقطونها بالماي ويغرقونها على ابو انه ضحك !! وهي فرحانه أوي أوي ! زين ياجماعه حنّا عرب ؟! حنا لنا عاداتنا وتقاليدنا ؟! بالعربي حنا " مسلمين " !!
شنو الفايدة من البرنامج بس بعرف ؟! توطية للراس ماترفعه أبد ! وبشنو يرفع راسنا فيه .. بـ طيحت حظ ! والاهتمام الزايد ماشالله بالبرنامج .. وخاصة من البنات المراهقات .. لاتسأل بنت عمرها 15 سنة عن البرنامج .. تقعد تقولك حتى السوالف الي تدور بين هالمشترك وهالمشتركه .. والطامه الكبرى .. أمس وانا قاعد أدوّر هالصور .. قلت يمكن ألقاهم بـ قسم الاخبار بموقعهم .. دشيت قسم الاخبار .. ولا يتكلمون عن مشتركين يحبون بعض ! هذا واهم اصحاب البرنامج ؟ ياجماعه مو برنامج ؟! وربي دعوة للفساد ؟! أي واحد يبي ينشهر ويطيح حظّة ويخربط يروح حق هالبرنامج ..
وماننسى للي صار حق بشار الشطي .. وصوفيا .. ومحمد عطية .. والثانية .. ماشالله علاقات حب .. إلا طيحت حظ ومصخره مال امها داعي .. ستار اكاديمي " 5 " فيه حمام سباحه .. شي طيب .. ستار أكاديمي " 6 " مو بعيد يصير فلم إباحي .. والسموحه عـ الكلمة كل ماله والعرب يطيح حظهم أكثر وأكثر .. وهذا إلي مخلي العرب مالهم كلمة : ) إقتباس أفكار وتقليد بدون تفكير .. !!
اعتقد حتى الي يتابعون يدرون انها مسخره بس الناس تعجبهم هالايام المسخره 
شفايدة التسليه إذا كانت خراب للمجتمــع ؟؟!!!!
