بس أبي من وقتك خمس دقايق فقط الان ...!!
--------------------------------------------------------------------------------
السالفه ومافيها
ابي خمس دقايق من وقتك الغالي ياغالي
واذا ماعندك وقت خلآص قفل هذي الصفحة
ومتى مافضيت اقراها وانت هادي ورايق ومركز زين زين
ارجوك تفرأ هاذي الصفحة الى الاخير
وتأكد انك انت المستفيد وراح تحس براحة رهيبة انشاء الله
شوف عزيزي
أكيد انك شايف الناس هذي الايام
كيف قاعدين يسعون ويتفننون في طلب الرزق
( هذا راح ياخذ قرض ودخل في الاسهم , وهاذاك طول يومه بمعارض السيارات , وهاذاك طاحت عيونه من كثر ما درس وسهر وتعلم , وهاذاك معد شاف أهله من كثر ما يدور على تجارة , ووووووو الخ )
وبصراحة ما أحد يلومهم
الكل يبي رزقه يكثر وينبسط في حياته
بس فيه شغله ناااااااااااااااااااااااس كثير جدا جدا ما فكرو فيها!!
حتى أكبر العقليات الاستثمارية ما فكرو فيها ولا جات على بالهم الى من رحم الله !!
يقول الله سبحانه وتعالى } فقلت استغفروا ربكم انه كان غفارا * يرسل السماء عليكم مدرارا * ويمددكم بأموال وبنين ويجعل لكم جنات ويجعل لكم أنهارا {
الاستغفار/
يا أخواني وأخواتي عالم الاستغفار سبب رئيس لأشياء حلوة في حياتنا
أشياء ياما وياما تمنيناها
من فينا ما يحب المطر ...؟؟!!
من فينا ما يحب المال ...؟؟!!
من فينا مايحب انه يكون معه أولاد وبنات ...؟؟!!
من فينا ما يحب انه يعيش بوسط جنات وأنهار في الحياة الدنيا ...؟؟!!
هذي كلها اشياء خيالية
من جد خيالية
بس ماهي صعبة ولا مستحيله عند رب العالمين سبحانه
الله قادر انه يحققها لنا
بس اذا حققنا المطلوب منا
طيب الحين وش المطلوب منا ؟؟ أكيد هذا السؤال الي يدور في بالكم
طيب راح أقول لكم
تروه شي واحد بسيط بس يبي له همة وصدق واخلاص
الشيء هذا هو /
( الاستغفار)
والاكثار منه
طيب وش النتيجة ؟؟
النتيجه يا أخي وأختي الاعزاء
الله يحفظكم ويسلمكم
الاستغفار سبب في نزول المطر باذن الله
وسبب في زيادة الرزق وبالعربي المال
وسبب في ان الواحد منا يرزق بالذرية الصالحة انشاء الله من البنون
وسبب في تحول اراضينا الى جنات وأنهار
وهذا مو كلامي ولا كلام الشيخ فلان او علان
هذا كلام الله
سبحانه وتعالى
فألله الله فس الاستغفار والاكثار منه
( أستغفر الله الذي لا اله الى هو الحي القيوم وأتوب اليه )
يا اخوتي شدوا هممكم ولا تجعلوا للشيطان علبكم سبيلا
وهذي ابيات شعر قلتها وأسا الله ان يجيبنا بما فيها
أسأل الله رب عرشه ورب هذا الكون
رب السماوات السبع رب العبادة والاستغفار
مالك الملك سبحانك ومغرقن في البحر فرعون
عدو كل مشرك ومهينهم ومهين كيد الكفار
انك مثل مارزقتنا حب المال والبنون
ترزقنا حب العبادة وحب طاعتك و الاستغفار
أسأل الله رب العرش العظيم
الكريم بأسمائه الحسنى
أن يجعلني واياكم من اهل الجنة
